Subhajit

Main shukra-guzaar hoon unn lamhon kaa, jinmein maine kuch aisa paaya, jo likh sakaa. Zehen mein aksar bahut kuch likhte rehta hoon, din-raat, subeh-shaam, aate-jatey, uthate-baithtey, har pal har dum, bas  jab bhi mauka mil jaaye. Par record kar nahin paaya, lekin jab bhi samay mila hai, iss blog ke madhyam se kuch kaha hai.  Likhne mein ek alag hi mazaa hai, jo shayad main kabhi bayaan na kar paoon, lekin itna kehna lazmi zaroor hoga ki yeh bada sukoon deta hai. Mujhko, meri rooh ko! Lambe-lambe din kaate hain, raatein bhi bahut si aur bahut tarah ki dekhi hain, jinmein kal ki koi assurance nahi thi. Bhagwan ko toh dekha nahin kabhi, haan par Maa-Baap hain, jinko uski darza deta hoon, aur likhta hoon. Khushi mein likhta hoon, akelepan mein kuch zyade hi khayaal panap-tey hain, lekin gham ki shyahi ka toh koi jawaab hi nahin, bahut kaam aayi yeh mere likhney mein. Likhna mazboori hai... Aur fitrat bhi! ---- Mumbai mein monsoon ko sehna ek achievement h...

Maa Maa kehti thi ki jab bhi dar lage toh ghar aajana, Baba kehte the ladna apne dar se, kabhi haar na maan na. Mujhe raahat  mili toh sirf Maa ke us aanchal mein, Baar baar chhupta raha, hazaar baar roya bhi wahan. Aur har ek baar sukoon mila mujhe, woh Maa nahi ek alag hi duniya thi. Abhi  bhi sochta hoon, dhoondta bhi hoon, kabhi rona aaye toh sirf yeh soch kar aansoon behte hain, Ki kya Maa itni door hai ya mein khudse. Tum Mujhe faasla pasand nahi tha kabhi, mazboori thi jo usko paal rahi thi, Tum gaye toh aise gaye, mein abhi bhi lad raha hoon un raaston se. Wapas toh nahi la sakta, woh beete hue lamhein, Mod nahi sakta, woh gujre hue pal, Lekin yaad karke hans toh sakta hoon, un haseen lamhon par, tumhare un waadon par, Woh har ek baat par jo hamne saath mein kahi thi. Aur apne aap par. Kab se dhoondh raha khud ko, milta hi nahin hoon, Aisa lagta hai main chhipa nahin, laapata hoon. Ek Packet Ummeed Kabhi kabhi yeh sochke h...